داليا البحيرى غاضبة من عدم التزام البيوت بسبب الكورونا: بينزلوا يتفسحوا واحنا محبوسين ببيوتنا

التاريخ : 2020-04-15 02:00:37 |

وأشارت داليا إلى أنها غضبت بشدة من المواطنين الذين ينزلون من بيوتهم من أجل الفسحة والتسوق سواء بالمولات أو في العتبة وغيرها وليس لأكل عيشهم. وقالت: "لا يصح أنى وغيرى نتحبس في بيوتنا علشان في ناس تانية مش ملتزمة تصعب الأمور وتجعلنا نبقى فترة أكثر في المنازل دون أي إحساس بالمسؤولية، ولو كل أناس الملتزمة اللى قاعدين في بيوتهم من شهر وأكثر لا قدر الله تعب وملقاش سرير في مستشفى بسبب الناس غير الملتزمين إيه الى هيحصل!..ودا ميرضيش ربنا".

وتابعت داليا: "لازم يكون في إجراءات رادعة والناس تبقى عندها دم، وأنا هنا مش بتكلم على الناس اللي نازلة ورا أكل عيشها، أنا بقول اللى بيتفسحوا وكمان مش ملتزمين بأي إجراءات وقائيه لا حد لابس كمامة ومتجمعين قريبين من بعض، وعلى فكرة اللى بيحصل ده يضر العمالة اليومية أكثر واللى انا شاركت فى الدعم لهم من شهر، وفى هذه مفروض على الشركات أن توفر للعمالة الخاصة بها أماكن تعيش فيها".

وكتبت داليا البحيرى على فيس بوك": "مبقاش أنا محبوسة في البيت أنا وأهلي داخلين على 36 يوما وزينا ناس محترمة كتير، ولو لا قدر الله حد فينا تعب مانلاقيش سرير في مستشفى عشان واحد "حيوان" كان مقضيها خروج بيتفسح ولا كان على باله اللي احنا فيه" وطالبت البحيري بالحظر الكامل".

وقالت: "لحد دلوقتي ماشين بستر ربنا ومجهودات الدولة العظيمة اللي اتعملت في الأول، بس والله العظيم ده شعب ملوش كتالوج ده لازم يتربط في رجل السرير مش يتحبس بس". (عن: اليوم السابع)