تولين البكري تستعيد ذكرياتها الأولى مع الفن ومعاشرتها النجوم الكبار

التاريخ : 2018-07-10 10:06:47 | عن: سيدتي نت

استعادت الفنانة السورية تولين البكري بعض ذكرياتها الأولى مع الفن ومعاشرتها النجوم الكبار ونصائحهم لها، مستذكرة ما قاله لها الراحل خالد تاجا عندما وصفها بـ " صوفيا لورين العرب ".

وقالت تولين في تعليق نشرته عبر صفحاتها على مواقع التواصل الاجتماعي : "ياويلي شو مشتاقة لكل شي اسمو أصالة وقيم ومحبة /بالفن/ في اسامي وشخصيات كتير معشقة بجدران ذاكرتي كل يوم بشتقلا .. مواقف ماعاد شفناها الا ماندر .. شبعنا تزلف وتصنع وبطون شبعت بعد جوع وكبر رأس ".

وأضافت تولين مؤكدة أنها اشتاقت لزمن الفن الجميل : " ..اشتقت لتواضع لأكبر شخصيات صنعت التاريخ الفني منهم ودعناه وما عاد يتكرر ومنهم موجود متل الماس العتيق ..جواهر خايفين عليها تروح لأن هي يلي لسا عاطية هالبريق واللمعة للفن..".

ولفتت تولين إلى أنها مشتاقة للكثير من النجوم الكبار الذين عملت معهم وقالت : " مشتاقة كتير كتير اسامي وقفت واشتغلت معون عرفت معدنون تعلمت شوي من خبرتون بالحياة... كتار كتير هالناس بس يلي حاليا مستحضرين بالذاكرة /يوسف حنا/كان يقلي اصحك تتخلي عن هالبراءة والاحساس يلي عندك ..عدنان بركات/علمني التواضع والطيبة والعفوية.. رفيق سبيعي/تاريخ كامل من الأصالة كان يقلي وين دمشقيتنا زمان من عاداتنا هلأ... ".

وأوضحت تولين أن الراحل خالد تاجا وصفها بصوفيا لورين العرب. وأضافت : " بسام كوسا/..خالد تاجا/كان دايما يقلي انتي صوفيا لورين العرب.. أمل عرفة/وطاقتها واجتهادها وكلامها بأنو لا يصح الا الصحيح بالنهاية...منى واصف/وتوااااضعها يلي ببعتلا رسالة لتقوم بتتصل اديشك كبيرة انتي ونصايحك../سمر سامي /يلي كل ماشافتني بتقلي قلبي بيحبك..هالة شوكت/يلي كانت بمسلسل ايام شامية خايفة عليي متل أمي تماما تقلي خليكي قاعدة جنبي لوقت مايبلش مشهدك....نضال سيجري/يلي كنت اشكيلو اني ماعم بشتغل يقوم يقلي انتي مابتطلبي من حدا شغل هنن لازم يطلبوكي وانا جنبك... رفقات بابا بالموسيقى و السهر عنا بالبيت علاء الدين كوكش/ملك سكر/محمد الشيخ نجيب/عمو مصطفى نصري/....اصالة واماني وريم وايهم وانس نصري/واللعب معهم وأيام اللاذقية والبسط ..الله يرحم يلي راحوا ويديم الباقي .. عاشرتكم بكل تفاصيلكم وبساطتكم وفنكم وضحكاتكم...عاشرت جيلين لا عرفانة ارجع لعندكم ولاقادرة جاري الجيل الحالي.. ف بقيت بالوسط.. والوسط كتير صعب".

وكانت تولين قد حلت ضيفة على الجزء الثاني من مسلسل الهيبة في موسم 2018 في حين لم تعلن عن أي مشاريع إضافية للموسم المقبل .