|
|
|
|
 
|
الموت يوجع الأحياء.. هكذا نعت رنا وتد والدتها سوزان ضحيّة جريمة القتل في باقة الغربيةالتاريخ : 2019-04-01 15:30:57 | تعدّدت الأسباب والجريمة واحدة، ولا أي سبب يبرّر أي جريمة كانت. ولا زال مُجتمعنا العربي كُلّما حاول النّهوض بعد مُصيبة وجريمة جديدة، يقع في جريمة أكبر وأحداث عنيفة تكاد لا تُصدّق، مؤخّرًا وبعد فقدانها 5 أيام عثر على جثّة السيّدة سوزان وتد مقتولة وجثّتها ملقاة في أحد الأحراش، وعلى خلفية قتلها تمّ اعتقال زوجها واليوم مّددت فترة اعتقاله، الأم المرحومة تركت شابّة بعمر الزّهور تبكيها وطفلا رضيعًا لم يتجاوز من العمر عامين. وكما قال الشاعر الفلسطيني الراحل محمود درويش: "الموت لا يوجع الموت، الموت يوجع الأحياء". هذه رسالة رنا لوالدتها المغدورة والتي نشرتها عبر صفحتها على فيسبوك: شو يما يا حبيبتي ؟ وينك ؟ سقعانه ؟ دفيانه ؟ جعانه ؟ شبعانه ؟ تعبانه ؟ مريضه ؟ هالأسئله كنت اسألها لحالي وقت كان "المجرم" عامل عملتُه ومخلّص وعامل حالُه ولا داري عن اشي ، انا كيف عشت معُه يومين بعد الحادثه وما حسيت عليه ؟! انا آسفه يما ما كُنت وقت الجريمه لحتى اخلّصك من بين ايديه كيف قدر يفرّط فيكِ يا وردتي ،،؟ انتِ كُنتِ مصدر الأمل بحياتي ، دائماً كُنتِ تشجعيني بقراراتي لأنك كُنتِ واثقه اني رح اقدر وأصير رنا الي كُنتِ تحلمي تشوفيها "دكتورة ، وإن شاء الله اقدر احققلك حلمك يا نور عيني، الله لا يسامح الّي حرمني منك ، إبنُه الّي بعدُه مش واصل عُمر السنتين حرمُه من حنّية أمه وحنانها ، بعد ما ندوّر عليكي 5 ايام ترجعيلنا بلا روح ،؟ مين هو لحتى يحط حد لعمرك ؟ بأي حق بحرمك تشوفي حياتك ؟ بعطيكي هدية عيد ميلادك عن طريق انه يحرمك من اولادك ويدفنك بإيديه تحت التراب وتحت المطر والسقعه بليالي الشتويه آاااااااااااااه يا يما ، غيابك هدّلي حيلي صورتِك وإنت بلا روح مش رايحه من بالي ، كُنتِ مثل الثلج بس ما في أحلى مِنك كُنتِ مَلاك أبيض ناصِع "26.3.19" لو كُنت بعرف انه كان آخر يوم النا سوا ، آخر ضمّه وآخر بوسه ، كُنت عملت كُل شي يفرحك كُنت قضّيت معك وقت اطول بس هيك الله كاتب ولا اعتراض على حُكمك يا الله رحيلِك كان مش بإيدنا ، انتِ رحتي لأنه الله هيك بدُه ، اختارلك المكان الي ترتاحي فيه اكثر ، اختارلك الأحسن ، بس الحنين بوجع بوجع بوجع كثثيييررر. اللهُم اغفِر لها وارحَمها ، وَزِد في حَسناتِها وتجاوَز عن سَيِّئاتِها ، واجعَل قَبرَها رَوضَةً مِن رِياضِ الجَنَّة اللهُم يَمِّن كِتابَها ، وَهَوِّن حِسابَها ، وَلَيِّن تُرابَها ، وَأَلهِمها حُسنَ جَوابَها ، وَطَيِّب ثَراها وَأكرِم مَثواها ، واجعَل الجَنّة مُستقرّها ومأواها ، اللهُمّ آنِس وحشَتِها في قَبرِها وَنَوِّر لَها وَلِجَميعِ أمواتِ المُسلِمين .
تعليقات الزوار Warning: mysql_fetch_array(): supplied argument is not a valid MySQL result resource in /home/almsar/domains/almasar.co.il/public_html/admin-aps/plugins/comments/include.php on line 0  Warning: mysql_fetch_array(): supplied argument is not a valid MySQL result resource in /home/almsar/domains/almasar.co.il/public_html/admin-aps/plugins/comments/ARA_load.php on line 0  |
ارسل لصديق
نسخة للطباعة
شارك