الفنانة وفاء سالم تثير الجدل واسمها يتصدر مؤشرات البحث

التاريخ : 2023-01-12 04:45:35 |

ونشرت الفنانة وفاء سالم فيديو، عبر صفحتها الشخصية، حول قصة تعرضها للتحرش في طفولتها، وانتهاك براءتها بقسوة ووحشية.

وقالت خلال الفيديو: "وأنا صغيرة كنت بحب أقعد تحت ترابيزة السفرة، وكنت بلاقيهم كلهم قاعدين على الكراسي، وأنا قاعدة في المكان دا مبغيروش، وكله بياكل، وكنت بسمع صوت الحلل والأطباق والشوك والسكاكين وريحة الطعام، وأنا في دنيا تانية خالص، وكنت بفصل مع نفسي بمجرد ما بسمع بداية الحوارات، العالم بتاعي ملهوش دعوة بالعالم اللي فوق".

وأضافت: "كانوا بيعتبروني قطتهم السيامي اللي بيلعبوا بيها، ولما بيحضنوني كنت ببقى عايزة أزقهم، مش قادرة ومش مستحملة بسبب جسمي النحيل، ولما كانوا بيبوسوني كنت غصب عني بمسح البوسة من على خدي، وكانوا بيسألوني ليه بتمسحي البوسة.. أنتي مش بتحبينا؟، كنت بتكسف وأقول لا».

وأوضحت: "كانت بوستهم بتشوك خدي وريحة نفسهم بالسجائر كانت بتضايقني وببقى عايزة أهرب من كل الناس دي، وأكتر حاجة لسه فكراها لحد دلوقتي وكانت بتوجعني جدًا وعاملة جرح في قلبي إن بعض قرايبي كانوا بينتهكوا طفولتي البريئة بقسوة ووقاحة شديدة".

وقالت وفاء في الفيديو: "كنت في مرحلة الطفولة يعاملني أقاربي بشكل غير آدمي، حيث كانوا ينقلونني من حجر إلى آخر ويقومون بتقبيلي بعنف وكنت أتعرض لأذى جسدي بسبب هذا الأمر".
وأضافت: "كنت أظهر لهم إني غير راضية على ما يفعلونه معي حتى إنهم كانوا يسألونني فأقول إنني لا أحبه وكنت وقتها لا حول لي ولا قوة وكنت أرضخ إلى مطالبهم وأكتر حاجة كنت بكرهها إنهم يحضنوني وكنت أشعر بأنهم ينتهكون طفولتي البريئة، ينتهكونها بقسوة ووقاحة".
ثم أعلنت وفاء سالم اعتزالها التمثيل، قائلةً: "مش هقول الأسباب دلوقتي هقولها في الفيديوهات الجاية، ولكني قررت أعتزل التمثيل، والقرار ده كان بيروح وبيجي".
وأضافت: "وأنا صغيرة كان عندي مشكلة مع الكذب ولما بكدب بيكون فيه حجر على قلبي وأما حبيت التمثيل قولت هنقل المشاعر اللي بحسها سواء غضب أو حزن أو ألم لكن عايزة أرتقي بالذوق العام من خلال أعمال فنية هادفة وحظي كان كويس العمل مع عمالقة مثل الراحل أحمد زكي والكاتب بشير الديك والمخرج عاطف سالم". 

اعتزال وفاء سالم

ونشرت الفنانة وفاء سالم فيديو عبر حسابها الشخصي قالت خلاله إنها قررت اعتزال المجال الفني والابتعاد عنه، لأسباب شخصية لم تفصح عنها، وشكرت كل أصدقائها الذين سألوا عليها في أزمتها الأخيرة.