وردت الممثلة السورية لورا ابو اسعد عليها قائلة: "يا جبل ما يهزك مليون كاسة شوكولامو".

واثارت نضال الأحمدية موجة من الانتقادات العارمة بعد ان قالت ايضا ان "السورييـن في لبنـان بعيشـوا عنا ليكـزدروا ويتنـزهوا ، الكهـربا والمـي ببـلاش ، وكل شـي ببـلاش والطـرقات لألـهن والأرض والسـما.. ومافيني عيش أنا والسوريين بنفس البلد في اختلاف كبير بالثقافات هني بمحل ونحن بمحل.. والسوري خـايف يتـرك باريس الشـرق ويرجع على سوريا لأن لما شـاف لبنـان ماصدق أنو هو يقعد فيها ، وهلا هنن عم يتعلموا يقولوا بونجور".

ووصف العديد من السوريين هذه التصريحات بانها قمة العنصرية. وكتبت النجمة لورا أبو أسعد قائلة: "خلـونا نتـذكر إنو نحـن ولاد بلـد عـريق وعظـيم وكـريم وشو ما صـار رح نضل نتمـنى نـرجع كلنا .. وكلنا يعني كلنا على حضـنه".

واختتمت بالقول: "شو ما صـار رح يضـل حضـنه يسـاعنا ويسـاع ضـيوفنا وجيراننا.. ويا جبـل ما يهـزك ملـيون كـاسة شوكولامو" .

وكتبت الفنانة شهد برمدا: "حدا يترجملا شو يعني أخلاق وأصل وإنسانية بالفينيئي...!!". واضافت: "نحن ما منعرف نقول "بونجور".. منعرف نقول: صباحك مبارك بالصلاة عالنبي".

وكتب الفنان معتصم النهار منتقدًا تهافت وسائل الاعلام على الاحمدية التي نعتها بانها معتوهة: "يعلمون بأن هذه المعتوهة ستسيء لشعب كـامل، ومع ذلك يستضيفونها من أجل الترند.. هم شركاؤها في القذارة".

في المقابل، كتبت الإعلامية والكاتبة اللبنانية راسيا سعادة على صفحتها الشخصية في فيس بوك ملمحة يتهكم وسخرية الى الاحمدية قائلة: "أوّل مرّة بسمع انه اللي بيعرف يقول "بونجور" أو اللي بيفهم "بالشوكولامو" بيكون كلاس... ياما وياما شفت ناس بتعرف تقول بونجوووور بس ما بتعرف تصبّح ع الناس برحمة وانسانية... وياما وياما شفت ناس بتفهم بالشوكولامو بس ما بتفهم بالأخلاق ولا بتفهم بالإعلام، وصارت من أشهر الإعلاميات ... ما تواخذونا يا جماعة ... والله نحنا مش هيك..."!

.