أنغام: مررت بفترة نسيت قيمتي وكم أنا مهمة في الدنيا

التاريخ : 2023-09-01 02:08:27 |

كشفت الفنانة المصرية أنغام كواليس وفاة عمّها المطرب الراحل عماد عبد الحليم، مؤكدة أنه مات بسبب الإدمان، وذلك خلال لقائها في برنامج AB TALKS، الذي يقدّمه الإعلامي الإماراتي أنس بوخش عبر قناته في "يوتيوب".

وقالت أنغام: "وفاة عمي كانت صعبة جداً عليّ، وفراقه كان صعب، لإنه كان قريب مني وفارق العمر بيني وبينه زي الفرق بيني وبين أخويا خالد". وأضافت: "كنت بعتبر عمي عماد عبد الحليم زي أخويا الكبير وصاحبي، وكنت بالنسبة له مهمة أوي، هو كان بالنسبة ليا فتى أحلامي والرجل اللي بحب شكله".

وأردفت بالقول: "عمي كان خفيف الظل وطيب وحنون عليَّ وعلى الكل، مات صغير وعمره 35 سنة وكنت متأكدة إن طريقته في حياته نهايتها موت محتوم... وقت وفاة عمي في التسعينيات مكنش في وعيه بإنه يعاني من الإدمان وبقى مدمن، وفي الفترة دي كل اللي حواليه كان بيتعاملوا معاه بقسوة علشان مدمن مش من باب إنه مريض بحاجة إلى مساعدتهم، هو كان فعلاً محتاج مساعدة كبيرة وطويلة وهو كان عايز وبيطلب المساعدة إنه يتخلص من الإدمان ويرجع شخص طبيعي".

واختتمت أنغام بالقول: "مريت بفترة نسيت قيمتي وكم أنا مهمة في الدنيا، أحياناً مقاومتي بتضعف من كتر ما بقاوم وبحاول طول الوقت أعافر ومش عايزة أتهد.. لكن أوقات الواحد مننا بيبقى عايز يسيب نفسه يتهد ويستسلم لشعور الإجهاد". (لها)