همسات مصاروة ترثي زوجها المرحوم نزيه: فقدت زوجاً كان سنداً ومعيلاً وأباً حنونا لأطفالنا

التاريخ : 2017-09-29 14:18:47 |

نشرت همسات جبارة مصاروة، ارملة المرحوم نزيه مصاروة، ضحية جريمة القتل النكراء التي وقعت في الطيبة، مساء الثلاثاء الماضي، خلال مشاركته كـ"دي. جي" في احد الاعراس، اليوم، رسالة عبر صفحتها الخاصة على الفيسبوك، ترثي من خلالها زوجها الغالي الذي فقدته في لمحة بصر، اثر جريمة اطلاق نار على مسمع ومرأى من المشاركين في الفرح.
وجاء في الرسالة: "بقى عمري 17 سنه بس حبيتوا.. خطبتوا، تجوزنا، جبنا ولاد. بتندمش ولا ع لحظه عشتها معو .. اطهر انسان، اطهر قلب، انظف وارقى قلب.. ذهب قلب من ذهب. بتذكرش عمرو زعلني، ولا عمرو طلب مني اشي فوق طاقتي.. كل طلبوا بقى اني اضل جنبوا وين ما يروح".
وتابعت الزوجة الثاكل تقول: "تعلمت وتربيت ع ايدو مشيت ع المرررررر وعلى الحلوووو.. شفتا كثير ربينا ولادنا، ربى ولادوا ونعم التربيه والاخلاق.. الكل بيشهر.. بقيت لما اقولوا تجبش للولد هاي يروح يقولي لع ام الكريم اكم ولد عندي انا؟ ويا ريت جبت اخرى واخرى ولاد.. بقى لما يشعر اني زعلانه يضل تيعرف ليش وكيف بقدر يسعدني ويساعدني.
مشيت معو درجه درجه.. كيف ما بحب وكيف بدو لانو بقاش عاطل. دار دار فات عليها فرحهم غنالهم.. نزل رقص.
بتذكرش نزيه الا بوجهوا الي بضحك 36 سنه.. بعززززز شبابو اسع مخططات الاشهر والسنيين جاي .

فجأه بصحى مرة وحده من حلم ايدي ع التلفون.. بردشششش نزيه بردششششششش، مثل المجنونه ع صحابو قلبي وقع. نزلت بالشارع ارمح قلبي موجعني. في اشي. لحقتوا ع المستشفى. ملحقتوش. وهاي اليوم ال3 بدون محكي معو 600 ..تلفون بتصل باليوم 2000 هودعا كيف هيك ؟!
#dj #nazeh #يا ملللللك .. بحبك وبعشقك وكثير فراغ انتي كثير فراغ.الف حمد وشكر لربي ع كل حال .الحمد لله بس انو دمع لما فوتت عحمامو مسحت دمعتوا بأيدي.. قولتلوا الله يرحمك يا روح الروح..الله ينورلك قبرك يا ابو كريم .. الله يغفرلك الله يبشرك بلجنه يا اغلى من روحي".